蜂人疯语

蜂人疯语

演唱：ManHanD

我出世响一个亦算复杂嘅家庭里面 凑大我嘅就喺一位无知妇孺

Im sorry my 妈咪 因为你跟咗一个咁嘅DaddY 当年我都知你挨得唔算Easy

承受压力又点会容易就真喺对你唔住 我有无好好哋咁去读书

又曾经要你提心跳胆怕我迟早出事 唔知几时啲手脚会少减一块

有一年虽然话喺音乐将我改变 但都仲喺不务正业

无所事事 年少无知定喺有心无意搞大件事

十个月后99年嘅8月咁就做咗DaddY 责任重大令我不断要向现实挑战

不得已 乜嘢理想都要摆埋一边 一对手又点可以兼顾两件事

Forget it自己嘅事总要自己解决

以下有一段故事 你可以当喺一篇Rap词

你唔中意咪听咗就算

你话我痴线你中意都可以KeeP住

哩一Part喺我BeemaN嘅蜂人疯语

我承认成家立室之后哩几年

不断搵食哩几年嘅生活都曾经混乱 心里面又不断谂起一件未完嘅心愿

原来一直都喺自我欺骗 家庭嘅温暖我又越摆越后面

工作压力更加令我越做越喺讨厌 太多人和事睇都睇到眼冤

明争暗斗我又唔想参与 一波三折性格累事 就算话我幼稚

我亦相信命运能一手改变 亦喺事在人为哩一句四字真言

令我一直坚持再拖延 拖埋一家大小嚟陪我一齐去癫

明知现实与理想喺一段冤孽 你想得到一嘅时候通常都会失去二

得一想二世上又边会有咁着数嘅事 开始怀疑自己喺咪无啲咁嘅本事

2007年我等咗7年再用1年0七个月 嘅时间嚟完成我哋第一张唱片

当时已经放弃嗮我所有事业 喂当时 人人问我喺咪痴线

我都知我咁做未免喺太过自私 喺明知扮无知谂得太过完美喺咪好事 辛苦自知

表面风光嬉皮笑面嘅背面咪又喺愁眉苦脸 条路行得一啲都唔易

我从组团到发片攞埋最佳团体又点 啲生活都仲喺话未有改变反而慢慢恶劣

家庭不合都喺意料中事 喺咪要怪一切嚟得太迟 我喺打死无怨

因为仲有太多讨厌嘅事 好想 改变 你问我前面条路继续落去会点

我唔知 净喺想好好珍惜目前 珍惜今日仲可以Rap我自己嘅故事